«Тоттенҳем» жорий мавсум ЯЧЛдаги илк мағлубиятини қабул қилиб олди

«Тоттенҳем» жорий мавсум Чемпионлар лигасидаги илк мағлубиятини қабул қилиб олди. Турнирнинг умумий босқичи 5-турида лондонликлар «ПСЖ»га 3:5 ҳисобида имкониятни бой беришди.

Бунгача «Тоттенҳем» «Вильярреал»ни 1:0, «Копенгаген»ни 4:0 ҳисобида мағлуб этган, шунингдек, «Будё-Глимт» билан 2:2 ва «Монако» билан 0:0 ҳисобида дуранг ўйнаган эди.

Айни пайтда «Тоттенҳем» Чемпионлар лигаси умумий босқичи турнир жадвалида 8 очко билан 16-поғонани эгаллаб турибди. «ПСЖ» эса 12 очко билан иккинчи ўринда бормоқда. Жадвал пешқадами — 15 очко жамғарган «Арсенал».

Кейинги турда «Тоттенҳем» «Славия»га қарши майдонга тушади, «ПСЖ» эса «Атлетик» билан куч синашади.

Насрулло Каримов

Журналист