“Тоттенҳэм” ўз таркибини “Челси” футболчиси билан кучайтирмоқчи
ФОТО: Getty Images
Лондоннинг “Челси” клуби Кристофер Нкунку ёзги трансферлар вақтида жамоасини ўзгартириши мумкин. Бу ҳақда журналист Бен Жейкобс хабар бермоқда.
Манбага кўра, француз футболчисига “Тоттенҳэм” қизиқиш билдирмоқда. Таъкидланишича, Нкунку фаолиятини Англияда давом эттиришни афзал кўрмоқда.
Бироқ, “Бавария” яна унга таклиф билдирса, футболчи бу ҳақда ўйлаб кўради. Мюнхен клуби ярим ҳимоячига ўтган қишда қизиқиш билдирган эди.
Маълумот учун, Нкунку ўтган мавсум барча турнирларда 42 та ўйинда майдонга тушиб, 14 та гол урди ва 5 та голли узатмани амалга оширди. Унинг Transfermarkt'даги нархи 45 миллион евро деб баҳоланмоқда.
Насрулло Каримов
Журналист
