“Тоттенҳэм” ва “Хоффенҳайм” ўртоқлик учрашувида дуранг ўйнади

“Тоттенҳэм” ва “Хоффенҳайм” янги мавсумга тайёргарлик доирасида ўртоқлик учрашуви ўтказди. Тўрт гол урилган баҳс 2:2 ҳисобидаги дуранг билан якунланди.

Учрашувда ҳисобни 16-дақиқада Адам Гложек пеналтидан очди. Орадан тўрт дақиқа ўтиб, Бен Дэвис мувозанатни тиклади. Биринчи бўлим якунига яқин Лука Уильямс-Барнетт “Тоттенҳэм”ни олдинга олиб чиқди — 2:1.

Иккинчи бўлимда “Хоффенҳайм” жавоб голини уришга муваффақ бўлди. 55-дақиқада Валентен Жандре ҳисобни 2:2 кўринишига келтирди ва қолган вақт давомида жамоалар бошқа гол ура олмади.

Маълумот учун, бу жамоаларнинг кетма-кет иккинчи ўртоқлик учрашуви бўлди. Бир кун аввал ўтказилган баҳсда “Тоттенҳэм” “Хоффенҳайм”ни 3:0 ҳисобида мағлуб этган эди.

Насрулло Каримов

Журналист

0 0 0 0 0 0