“Tottenhem” va “Hoffenhaym” o‘rtoqlik uchrashuvida durang o‘ynadi

“Tottenhem” va “Hoffenhaym” yangi mavsumga tayyorgarlik doirasida o‘rtoqlik uchrashuvi o‘tkazdi. To‘rt gol urilgan bahs 2:2 hisobidagi durang bilan yakunlandi.

Uchrashuvda hisobni 16-daqiqada Adam Glojek penaltidan ochdi. Oradan to‘rt daqiqa o‘tib, Ben Devis muvozanatni tikladi. Birinchi bo‘lim yakunlanishiga yaqin Luka Uilyams-Barnett “Tottenhem”ni oldinga olib chiqdi — 2:1.

Ikkinchi bo‘limda “Hoffenhaym” javob golini urishga muvaffaq bo‘ldi. 55-daqiqada Valenten Jandre hisobni 2:2 ko‘rinishiga keltirdi va qolgan vaqt davomida jamoalar boshqa gol ura olmadi.

Ma’lumot uchun, bu jamoalarning ketma-ket ikkinchi o‘rtoqlik uchrashuvi bo‘ldi. Bir kun avval o‘tkazilgan bahsda “Tottenhem” “Hoffenhaym”ni 3:0 hisobida mag‘lub etgan edi.

Nasrullo Karimov

Jurnalist

0 0 0 0 0 0