“Тоттенҳэм” Ришарлисон билан шартномани бекор қилиши мумкин
“Тоттенҳэм” ҳужумчи Ришарлисон билан шартномани муддатидан олдин бекор қилиш вариантини кўриб чиқмоқда. talkSPORT маълумотига кўра, бош мураббий Роберто Де Дзерби 29 ёшли бразилиялик футболчини жамоанинг келажак режаларига киритмаяпти.
Ришарлисон ёзги трансфер ойнасида “Эвертон”га қайтиши мумкин эди, бироқ ушбу трансфер амалга ошмади. Кейинчалик “Трабзонспор” футболчига қизиқиш билдирди ва ҳужумчи Туркия клуби билан шахсий шартнома шартларини келишиб олди. “Тоттенҳэм” эса аввалроқ 15 ва 20 миллион фунтлик таклифларни рад этган.
Ҳозирда Лондон клуби Ришарлисон билан келишувни ўзаро бекор қилиш имкониятини ҳам муҳокама қилмоқда. Бундай ҳолатда футболчи эркин агентга айланади ва фаолиятини бошқа жамоада давом эттириш имконига эга бўлади.
Маълумот учун, Ришарлисон 2022-йилдан бери “Тоттенҳэм” сафида ўйнаб келмоқда. У клуб учун барча мусобақаларда 134 та учрашув ўтказиб, 32 та гол урган. Бразилиялик футболчининг амалдаги шартномаси 2027-йил ёзигача мўлжалланган.
