«Тоттенҳэм» Пулишични АПЛга қайтармоқчи

“Милан” вингери Кристиан Пулишич АПЛга қайтиши мумкин. Бу ҳақда GiveMeSport хабар берди.

Қайд этилишича, Лондоннинг “Тоттенхэм” клуби 27 ёшли америкалик фтуболчига қизиқиш билдирмоқда.

Маълум қилинишича, “россонери” футболчини ёзги трансфер ойнасида тахминан 55 миллион еврога қўйиб юбориши мумкин.

Маълумот ўрнида, Пулишич 2023 йил июль ойида “Челси”дан 20,8 миллион евро эвазига “Милан” сафига қўшилганди.

Жорий мавсумда вингер барча турнирлар доирасида 20 та учрашувда иштирок этиб, 10 та гол урди ва 2 та ассист амалга оширди.

Футболчининг Италия гранди билан амалдаги шартномаси 2027 йил ёзига қадар мўлжалланган.

Розикжон Султонмуродов

Журналист