«Тоттенҳэм» Коло Муани билан шартнома имзолади
Фото: Getty Images
“Тоттенхэм” “ПСЖ” форварди Рандаль Коло Муани билан шартнома имзолади.
Лондон клуби франциялик футболчини бир мавсумга ижарага олди.
“Рандаль — юқори даражадаги ўйинчи, у йиллар давомида Чемпионлар лигаси клубларида ўз салоҳиятини исботлади, шунингдек, Франция терма жамоаси билан катта тажриба тўплади.
Премьер-лига ва бизнинг услубимизга мос сифатларга эга. У ҳужумда қўшимча имкониятлар яратади, қанотлар орқали ҳам, марказ орқали ҳам ўйнаш имконини беради”, — дейди клуб бош мураббийи Томас Франк.
Эслатиб ўтамиз, ўтган мавсумнинг иккинчи ярмини Коло Муани ижара асосида “Ювентус”да ўтказган эди. А Серияда у 16 та ўйинда майдонга тушиб, 8 та гол урди ва 1 та голли узатма амалга оширди.
Розикжон Султонмуродов
Журналист