«Тоттенҳем» Игор Тудор билан шартномани муддатидан аввал бекор қилиши мумкин
Клуб раҳбарияти жамоанинг ҳозирги натижаларидан жиддий хавотирда.
ФОТО: Getty Images
«Тоттенҳем» раҳбарияти жамоанинг қониқарсиз натижалари сабабли бош мураббий Игор Тудор билан шартномани муддатидан олдин бекор қилиш масаласини кўриб чиқмоқда. indykaila News хабарига кўра, клуб раҳбарияти жамоанинг ҳозирги ҳолатидан жиддий хавотирда.
Гарчи хорватиялик мутахассис яқиндагина жамоани қабул қилиб олган бўлса-да, директорлар кенгашининг сабр косаси тўлиб бормоқда. Тудорнинг тақдири яқин ўйинлардаги натижаларга боғлиқ бўлади. Клуб раҳбарияти «шпорлар»нинг молиявий ва обрў жиҳатидан Премьер-лигадан тушиб кетишига йўл қўя олмасликларини таъкидламоқда.
Шу сабабли, раҳбарият Тудор истеъфога чиқарилган тақдирда унинг ўрнини эгаллаши мумкин бўлган номзодлар билан дастлабки музокараларни бошлаб юборган.
Насрулло Каримов
Журналист