“Тоттенҳем” футболчиси учун рекорд даражасида трансфер пули талаб қилинмоқда
Лондоннинг “Тоттенҳем” клуби ҳимоячиси Педро Поррога Испаниянинг “Реал Мадрид” ва “Барселона” жамоалари қизиқиш билдирмоқда. Англия клуби эса 27 ёшли футболчини қўйиб юбориш учун катта маблағ талаб қилишни режалаштирган. Бу ҳақда TEAMtalk нашри ўз манбаларига таяниб хабар бермоқда.
Манбага кўра, “Тоттенҳем” Порронинг трансфери бўйича камида 75 миллион фунт стерлинглик таклифларни кўриб чиқишга тайёр. Агар ушбу сумма эвазига келишув амалга ошса, испаниялик футболчи ўз позициясидаги энг қиммат трансферлардан бирига айланиши мумкин.
“Реал Мадрид” ва “Барселона” ўнг қанот ҳимоясини кучайтириш имкониятларини ўрганмоқда. Порронинг ҳужумдаги фаоллиги ва Премьер-лигадаги тажрибаси икки клубнинг эътиборини тортган. Бироқ “Тоттенҳем” футболчини сақлаб қолиш ниятида ва ҳозирча расмий трансфер келишуви мавжуд эмас.
Маълумот учун, Педро Порро 2023-йилда Португалиянинг “Спортинг” клубидан “Тоттенҳем”га қўшилган. У 2026-йил ёзида Лондон жамоаси билан беш йиллик янги шартнома имзолаган. Футболчининг Испанияга қайтиши 2027-йилги трансферлар ойнасида муҳокама қилиниши мумкин.
