«Тоттенҳэм» Дубравка трансферини эълон қилди
Унинг «Бёрнли» билан амалдаги шартномаси якунига етган.
ФОТО: Getty images
«Тоттенҳэм» дарвозабони Мартин Дубравка билан шартнома имзолаганини расман тасдиқлади.
Лондон клуби матбуот хизматининг маълум қилишича, тажрибали посбон 1 июльдан бошлаб жамоага эркин агент сифатида қўшилади. Унинг «Бёрнли» билан амалдаги шартномаси якунига етган.
«Бу мен учун ҳаяжонли давр. Янги саргузашт ва оилам билан бирга янги тажриба кутмоқда. Ҳаммаси жуда тез содир бўлди ва бу ерда эканимдан жуда хурсандман.
Мен кўп йиллардан бери Роберто Де Зерби жамоаларини кузатиб келаман. Унинг услуби ва қарашларини яхши биламан. Шунингдек, «Тоттенҳэм» мухлислари ҳақида ҳам кўп яхши гапларни эшитганман», — деди Дубравка.
Маълумот учун, Мартин Дубравка фаолияти давомида «Нюкасл», «Спарта» Прага ва «Бёрнли» клубларида ўйнаган.
