«Тоттенҳем» «Борнмут» ҳимоячиси Маркос Сенеси билан келишувга эришди
Томонлар ўртасида 2030 йилгача мўлжалланган шартнома имзоланади.
ФОТО: Getty Images
Лондоннинг «Тоттенҳем» клуби «Борнмут»нинг 29 ёшли ҳимоячиси Маркос Сенеси билан келишувга эришди. Бу ҳақда машҳур журналист ва инсайдер Николо Скира хабар бермоқда.
Манбанинг маълум қилишича, Сенеси «Тоттенҳем» сафида эркин агент мақомида келиб қўшилади ва клуб билан 2030 йилгача мўлжалланган шартнома имзолайди. Унинг йиллик маоши 5 миллион еврони ташкил этади.
Сенеси ўз фаолиятини «Фейеноорд» клубида бошлаган бўлиб, у ердан 2022 йилда 15 миллион евро эвазига «Борнмут»га кўчиб ўтган эди. Аргентиналик ҳимоячи клуб сафида жами 128 та учрашувда майдонга тушиб, 6 та гол урди ва 10 та голли узатмани амалга оширди.
Айни дамда, Transfermarkt портали берган маълумотларга кўра, Сенесининг бозор қиймати 22 миллион еврога баҳоланмоқда.
Насрулло Каримов
Журналист
