Тошкентда ЎФА ҳамда Мактабгача ва мактаб таълими вазирлиги ўртасида меморандум имзоланди
Тошкент шаҳрида жойлашган 300-сонли мактабда Ўзбекистон футбол ассоциацияси ҳамда Мактабгача ва мактаб таълими вазирлиги ўртасида ҳамкорлик меморандуми имзоланди.
photo: UFA
Бугун Тошкент шаҳрида жойлашган 300-сонли мактабда Ўзбекистон футбол ассоциацияси ҳамда Мактабгача ва мактаб таълими вазирлиги ўртасида ҳамкорлик меморандуми имзоланди.
Тадбирда ЎФА раҳбарияти ҳамда Мактабгача ва мактаб таълими вазири иштирок этиб, болалар футболини ривожлантириш, ёш авлодни соғлом турмуш тарзига жалб этиш ва таълим муассасаларида футбол инфратузилмасини янада такомиллаштириш масалаларига алоҳида эътибор қаратилди.
Шунингдек, меморандум доирасида мактабларда футбол тўгаракларини йўлга қўйиш, иқтидорли ёшларни саралаб олиш ҳамда уларни профессионал даражага олиб чиқиш режалаштирилгани таъкидланди.
Иброҳим Жалолов
Редактор