Тошкент шаҳрида мавжуд футбол майдонларини хатловдан ўтказиш ҳамда рақамлаштириш юзасидан йиғилиш ўтказилди
Ўзбекистон Республикаси президентининг 2025-йил 21-августдаги "Ўзбекистон футбол соҳасини рақамлаштириш ва оммавийлгини янада ошириш чора-тадбирлари тўғрисида" ги ПҚ-262 сонли қарори ижроси юзасидан Тошкент шаҳар спорт бошқармасида футбол соҳасини рақамлаштириш ва унинг оммавийлигини ошириш йўлидаги ишлар таҳлили юзасидан йиғилиш ўтказилди.
Ушбу йиғилишда спорт мактаблари раҳбарлари ва футбол бўйича масъуллар иштирок этишди.
Йиғилишда спорт инфратузилмасининг ҳозирги ҳолати ўрганилиб, мавжуд обектлар ҳақида маълумотларни электрон тизимга киритиш, шунингдек, кейинги босқичда уларни модернизация қилиш чоралари белгиланди.
Стадионларнинг техник ҳолати, майдон сифати ва инфратузилма имкониятлари таҳлил қилинди. Олинган натижалар келгусида футбол соҳасида рақамли бошқарув тизимини яратишда асосий маълумот манбаси бўлиб хизмат қилади.
