«Торино» ўз таркибини «Наполи» ҳимоячиси билан кучайтирмоқчи
Бироқ неаполликлар ҳали якуний қарорга келмаган.
ФОТО: Getty Images
«Наполи» ҳимоячиси Лука Марянуччи қишки трансферлар ойнасида «Торино»га ўтиши мумкин. Бу ҳақда Football Italia хабар бермоқда.
Манба маълумотларига кўра, футболчи кўпроқ майдонга тушиш имкониятини қўлга киритиш учун ушбу трансферга тайёр, бироқ «Наполи» ҳали бу масала бўйича қарор қабул қилгани йўқ. Ўтган ёз «Торино» ҳам Марянуччи билан қизиққан эди.
«Наполи» ва «Торино» клублари бозор билан боғлиқ ишларида дўстона муносабатларни ўрнатган: Турин клуби дарвозабони Ваня Милинкович-Савич ижарада «Наполи» сафида ўйнамоқда, ҳужумчи Жованни Симеоне эса ўтган ёз шундай тартибда аксинча йўл тутган.
Насрулло Каримов
Журналист