Тони Кроос: «Реал Мадрид» — бу катта оила, Флорентино Перес эса ўта инсонпарвар раҳбар»
Мадриднинг «Реал» клуби собиқ ярим ҳимоячиси Тони Кроос жамоадаги ўзгача муҳитни таъкидлаб ўтди, шунингдек, «қироллик клуби» президенти Флорентино Переснинг инсонпарварлик фазилатларини юқори баҳолади.
«Реал»да ўтказган кўп йиллик фаолиятимдан сўнг шуни айта оламанки, бу жуда инсонпарвар, оилага ўхшаш клуб. Бу муҳит ҳар доим юқоридан бошланади. Флорентино Перес биринчи кундан бошлаб менга қандай муносабатда бўлгани, мен билан ҳар доим қандай мулоқот қилгани... Гап фақат мен ҳақимда эмас. Перес кийиниш хонасига кирганида, ўзида доимо илиқлик ва инсонпарварликни улашарди. Мен бу клубда мана шундай жиҳатларни доим қадрлаганман. Мен кўплаб кийиниш хоналарида бўлганман, кўплаб ўйинчилар кетди, бошқалари келди, лекин бу муҳит ҳеч қачон ўзгармади.
Мен «Реал»да ўзимни жуда қулай ҳис қилганман, ҳатто биз бошдан кечирган қийин дамларда ҳам ўзимни ҳимояланган сезганман. Мана шу жиҳатларнинг барчаси клубни ўзгача қилади», — дея Крооснинг сўзларини келтирмоқда AS нашри.
Эслатиб ўтамиз, германик афсона 2014 йилдан 2024 йилга қадар «Реал Мадрид» шарафини ҳимоя қилган.
