Томори «Милан»да қолишни истамоқда
Фикайонинг жамоаси билан амалдаги шартномаси 2027 йилгача мўлжалланган.
ФОТО: Getty images
"Милан" ҳимоячиси Фикайо Томори билан янги битим бўйича музокаралар ўтказмоқда. Бу ҳақда инсайдер Фабрицио Романо хабар берди.
“Миланда қолмоқчиман, клуб менга кетишимни айтмагунча, бу ҳақда ўйламайман. Бу жой — менинг уйим”, — деди Томори Mediaset нашрига берган интервюсида.
Эслатиб ўтамиз, Фикайонинг жамоаси билан амалдаги шартномаси 2027 йилгача мўлжалланган. Ёзда Англия клубларидан бир нечтаси Томорини ўз сафига қўшиб олишни таклиф этган, аммо у “россонерилар”да қолишни маъқул кўрган.
Розикжон Султонмуродов
Журналист
