Томас Тухел Норвегия билан ўйин пайтидаги танаффусда: \"Бу сизнинг охирги имкониятингиз!\"
Англия терма жамоаси бош мураббийи Томас Тухел Жаҳон чемпионати чорак финали доирасидаги Норвегия (2:1) билан учрашувнинг биринчи "сув ичиш" танаффуси вақтида ўз шогирдларига кескин мурожаат қилди.
— "Яна ҳам қаттиқроқ ишланглар. Тезликни оширинглар. Сизлар жуда пассивсиз, шунчаки бир жойда турибсизлар. Менга ҳар бирингизнинг энергиянгиз керак. Бу сизнинг охирги имкониятингиз. Агар мағлуб бўлсак, турнирдан чиқиб кетамиз. Олға!" — дея Тухелнинг сўзларидан иқтибос келтирмоқда Daily Mail нашри.
Эслатиб ўтамиз, 2026 йилги Жаҳон чемпионати 11 июндан 19 июлга қадар АҚШ, Канада ва Мексика майдонларида бўлиб ўтмоқда. Амалдаги жаҳон чемпиони Аргентина терма жамоаси ҳисобланади. Улар 2022 йилги дунё биринчилиги финалида Франция билан тўқнаш келган ва асосий вақт 3:3 ҳисобида якунлангач, пенальтилар сериясида (4:2) аргентиналикларнинг қўли баланд келган эди.