Tomas Tuxel Norvegiya bilan o‘yin paytidagi tanaffusda: \"Bu sizning oxirgi imkoniyatingiz!\"
Angliya terma jamoasi bosh murabbiyi Tomas Tuxel Jahon chempionati chorak finali doirasidagi Norvegiya (2:1) bilan uchrashuvning birinchi "suv ichish" tanaffusi vaqtida o‘z shogirdlariga keskin murojaat qildi.
— "Yana ham qattiqroq ishlanglar. Tezlikni oshiringlar. Sizlar juda passivsiz, shunchaki bir joyda turibsizlar. Menga har biringizning energiyangiz kerak. Bu sizning oxirgi imkoniyatingiz. Agar mag‘lub bo‘lsak, turnirdan chiqib ketamiz. Olg‘a!" — deya Tuxelning so‘zlaridan iqtibos keltirmoqda Daily Mail nashri.
Eslatib o‘tamiz, 2026-yilgi Jahon chempionati 11-iyundan 19-iyulga qadar AQSh, Kanada va Meksika maydonlarida bo‘lib o‘tmoqda. Amaldagi jahon chempioni Argentina terma jamoasi hisoblanadi. Ular 2022-yilgi dunyo birinchiligi finalida Fransiya bilan to‘qnash kelishgan va asosiy vaqt 3:3 hisobida yakunlangach, penaltilar seriyasida (4:2) argentinaliklarning qo‘li baland kelgan edi.
