Томас Тухел Деклан Райсни Англия терма жамоасининг вице-капитани этиб тайинлади
Англия терма жамоаси бош мураббийи Томас Тухел «Арсенал» ярим ҳимоячиси Деклан Райсни 2026 йилги Жаҳон чемпионатида миллий терма жамоанинг вице-капитани этиб тайинлади. Бу ҳақда The Athletic нашри хабар бермоқда.
Тухел ушбу қарорни ярим ҳимоячи Жуд Беллингем Янги Зеландияга қарши кечган учрашувнинг (1:0) иккинчи бўлимида капитанлик боғичини қабул қилиб олганига қарамасдан қабул қилган.
Аввалроқ футбол экспертлари Райсни Англия терма жамоасининг бўлажак сардори сифатида эътироф этишган эди. Миллий терма жамоанинг амалдаги сардори эса ҳужумчи Харри Кейн ҳисобланади.
Маълумот учун, 2026 йилги футбол бўйича Жаҳон чемпионати 11 июндан 19 июлга қадар АҚШ, Канада ва Мексика майдонларида бўлиб ўтади. Амалдаги жаҳон чемпиони Аргентина терма жамоаси ҳисобланади. 2022 йилги дунё биринчилиги финалида аргентиналиклар Франция билан тўқнаш келишган. Ўйиннинг асосий вақти 3:3 ҳисобида якунланган, бироқ пеналтилар сериясида пешқадамлик аргентиналикларга насиб этган (4:2).