Томас Мюллер А Серия жамоаси сафига қўшилиши мумкин
Фото: Getty Images
“Бавария” афсонаси Томас Мюллер мавсум якунланганидан сўнг қайси жамоада ўйнаши ҳамон мавҳумлигича қолмоқда.
Bild хабар беришича, 35 ёшли футболчига “Фиорентина” жамоаси томонидан жиддий қизиқиш бўлмоқда. Италияликлар Мюллерга ўзи истаган маошни ҳам беришга тайёр. Якуний қарор футболчининг ўзида қолганлиги айтилмоқда.
Шунингдек, Мюллер хизматига “Сан-Диего”, “Цинциннати”, “Чикаго Файр” ва “ЛА Гэлакси” жамоалари ҳам қизиқиш билдирган. Футболчининг ўзи эса фаолиятини Европада давом эттирмоқчи.
Маълумот учун, Мюллер жорий мавсум "Бавария" сафида барча мусобақаларда 38 та ўйинда майдонга тушиб, 6 та гол урган ва 6 та голга ҳаммуаллифлик қилган.
Розикжон Султонмуродов
Журналист