Tomas Myuller A Seriya jamoasi safiga qo'shilishi mumkin
Photo: Getty Images
“Bavariya” afsonasi Tomas Myuller mavsum yakunlanganidan so'ng qaysi jamoada o'ynashi hamon mavhumligicha qolmoqda.
Bild xabar berishicha, 35 yoshli futbolchiga “Fiorentina” jamoasi tomonidan jiddiy qiziqish bo'lmoqda. Italiyaliklar Myullerga o'zi istagan maoshni ham berishga tayyor. Yakuniy qaror futbolchining o'zida qolganligi aytilmoqda.
Shuningdek, Myuller xizmatiga “San-Diego”, “Tsintsinnati”, “Chikago Fayr” va “LA Gelaksi” jamoalari ham qiziqish bildirgan. Futbolchining o'zi esa faoliyatini Yevropada davom ettirmoqchi.
Ma'lumot uchun, Myuller joriy mavsum "Bavariya" safida barcha musobaqalarda 38 ta o'yinda maydonga tushib, 6 ta gol urgani va 6 ta golga hammualliflik qilgani aytilmoqda.
Roziqjon Sultonmurodov
Jurnalist