Тибо Куртуа номаълум муддатга сафдан чиқди
«Реал» посбони «Райо Валекано»га қарши ўйинда жароҳат олганди.
ФОТО: Getty Images
Испания Ла Лигаси
09.11.2025, Як.
Райо Вальекано
0
Реал Мадрид
0
Мадриднинг «Реал» клуби матбуот хизмати Испания Ла Лигасининг 12-туридан ўрин олган «Райо Валекано»га қарши (0:0) ўйиндан сўнг дарвозабон Тибо Куртуа жароҳат олгани ҳақида хабар берди.
«Клуб тиббиёт хизмати томонидан ўтказилган текширув натижасида Тибо Куртуа ўнг оёғининг узун сон мушаги жароҳати аниқланган. Унинг соғайиш жараёни шифокорлар назоратида бўлади», — дейилади клуб баёнотида.
Эслатиб ўтамиз, «Реал» Ла Лиганинг 12-туридан сўнг 31 очко жамғарган ҳолда турнир жадвалида пешқадамлик қилмоқда. Хаби Алонсо шогирдлари «Барселона»дан 3 очкога илгарилаб кетган.
Насрулло Каримов
Журналист
