Терри Чемпионшип клубини бошқариши мумкин

Англия терма жамоаси ва Лондоннинг "Челси" клуби собиқ футболчиси Жон Терри Чемпионшип клубида иш бошлаши мумкин. Бу ҳақда The Sun нашри хабар берди.

Манбага кўра, "Оксфорд Юнайтед" раҳбарияти 45 ёшли мутахассис номзодини жамоа бош мураббийи лавозимига кўриб чиқмоқда.

Терри ҳали бош мураббий сифатида ишламаган. У бунгача "Лестер" ва "Астон Вилла" мураббийлар штабида ишлаган. Бундан ташқари, Жон "Челси" академиясида ишлаган.

Маълумот учун, "Оксфорд Юнайтед" Чемпионшипнинг 23-туридан кейин 22 очко жамғариб, турнир жадвалида 22-ўринда бормоқда.

Розикжон Султонмуродов

Журналист