Terri Chempionship klubini boshqarishi mumkin
Jon hali bosh murabbiy sifatida ishlamagan.
ФОТО: Getty images
Angliya terma jamoasi va Londondagi "Chelsi" klubi sobiq futbolchisi Jon Terri Chempionship klubida ish boshlashi mumkin. Bu haqda The Sun nashri xabar berdi.
Manbaga ko'ra, "Oksford Yunayted" rahbariyati 45 yoshli mutaxassis nomzodini jamoa bosh murabbiyi lavozimiga ko'rib chiqmoqda.
Terri hali bosh murabbiy sifatida ishlamagan. U bunga qadar "Lester" va "Aston Villa" murabbiylar shtabida ishlagan. Bundan tashqari, Jon "Chelsi" akademiyasida ham faoliyat yuritgan.
Ma'lumot uchun, "Oksford Yunayted" Chempionshipning 23-turidan so'ng 22 ochko jamg'arib, turnir jadvalida 22-o'rinda bormoqda.
Roziqjon Sultonmurodov
Jurnalist