Тео Эрнандес ўз хизматларини “Реал”га таклиф қилди
Фото: Getty Images
“Милан” чап қанот ҳимоячиси Тео Эрнандес ўз хизматларини “Реал”га таклиф қилди. Бу ҳақда Marcа хабар бермоқда.
Қайд этилишича, “Реал” қанот ҳимояни кучайтиришни истамоқда. Шу сабабли бир неча номзодларни кузатмоқда. Тео Эрнандес эса “Милан”да қолишни истамаяпти ва “Реал”га қайтишга тайёр.
Жорий мавсумда Эрнандес “Милан” сафида барча турнирларда 49та ўйинда 5та гол урди ва 6та голли узатмани амалга оширган.
