Тедеско «Фенербахче» билан 11 ўйиндан бери ютқазмаяпти
Бу даврда жамоа 8 та ғалаба ва 3 та дуранг қайд этди.
ФОТО: Getty images
"Фенербахче" Тедеско қўл остида икки ойдан бери ютқазмаяпти.
Доменико Тедеско бошчилигидаги "Фенербахче" кетма-кет 11 ўйинда мағлубиятга учрамади.
Турк клуби Европа Лигаси доирасида ўз майдонида "Ференцварош" (1:1) билан дуранг ўйнади.
Бельгия терма жамоаси собиқ мураббийи бошчилигидаги "Фенербахче"нинг мағлубиятсиз серияси 24 сентябрдан буён давом этмоқда. Бу даврда жамоа 8 та ғалаба ва 3 та дуранг қайд этди.
“Канарейкалар” клуби Туркия чемпионатида 2-ўринда бораётган "Фенербахче" ўзидан бир очко кўп жамғарган "Галатасарой"ни қабул қилади. Ўйин 1 декабрь куни бўлиб ўтади.
Розикжон Султонмуродов
Журналист