Тедеско «Болонья»ни бошқариши мумкин
40 ёшли Домениконинг аввалги клуби Туркиянинг “Фенербахче”си бўлган.
ФОТО: Getty images
Бельгия терма жамоасининг собиқ бош мураббийи Доменико Тедеско Италиянинг “Болонья” клубини бошқариши мумкин. Бу ҳақда журналист Николо Скира X ижтимоий тармоғида хабар берди.
“Доменико Тедескони “Болонья”га янги мураббий этиб тайинлаш бўйича музокаралар олиб борилмоқда. 2028 йилгача мўлжалланган шартнома тайёр. “Болонья” Даниэл Де Росси ва Раффаеле Палладинога мурожаат қилган эди, аммо улар рад этишди”, — деб ёзди Скира.
40 ёшли Доменико Тедесконинг аввалги клуби Туркиянинг “Фенербахче”си бўлган.
“Болонья” Италия чемпионатининг 2025/2026 йилги мавсуми якунларига кўра саккизинчи ўринни эгаллади.
Розикжон Султонмуродов
Журналист