Tedesko «Bolonya»ni boshqarishi mumkin
40 yoshli Domenikoning avvalgi klubi Turkiyaning “Fenerbaxche”si bo‘lgan.
ФОТО: Getty images
Belgiya terma jamoasining sobiq bosh murabbiyi Domeniko Tedesko Italiyaning “Bolonya” klubini boshqarishi mumkin. Bu haqda jurnalist Nikolo Skira X ijtimoiy tarmog‘ida xabar berdi.
“Domeniko Tedeskoni “Bolonya”ga yangi murabbiy etib tayinlash bo‘yicha muzokaralar olib borilmoqda. 2028-yilgacha mo‘ljallangan shartnoma tayyor. “Bolonya” Daniel De Rossi va Raffaele Palladinoga murojaat qilgan edi, ammo ular rad etishdi”, — deb yozdi Skira.
40 yoshli Domeniko Tedeskoning avvalgi klubi Turkiyaning “Fenerbaxche”si bo‘lgan.
“Bolonya” Italiya chempionatining 2025/2026-yilgi mavsumi yakunlariga ko‘ra sakkizinchi o‘rinni egalladi.
Roziqjon Sultonmurodov
Jurnalist