«Тарихдаги энг яхши ўйинчи ва менинг кумирим». Шерки — Роналду ҳақида
Франциялик футболчи Криштиану ҳақида илиқ фикрларни билдирди.
ФОТО: Getty images
"Манчестер Сити" ярим ҳимоячиси Раян Шерки “Ан-Наср” ҳужумчиси Криштиану Роналдуни тарихдаги энг яхши футболчи деб атади.
"Роналду – тарихдаги энг яхши ўйинчи. У менинг кумирим, мени энг кўп илҳомлантиради", – деди Шерки Telefoot нашрига берган интервьюсида.
Аввалроқ 41 ёшли ҳужумчи Португалия терма жамоасининг 2026 йилги жаҳон чемпионати учун якуний қайдномасига киритилган эди — бу унинг кетма-кет олтинчи жаҳон чемпионати.
Роналду дунёда терма жамоалар таркибидаги голлар сони бўйича рекордчи ҳисобланади – унинг ҳисобида 226 та ўйинда 143 та гол бор.
ЖЧ-2026 да K гуруҳида Португалиянинг рақиблари Конго ДР, Ўзбекистон ва Колумбия терма жамоалари бўлади.
Розикжон Султонмуродов
Журналист