Тарихда илк бор икки испан мураббийи Чемпионлар лигаси финалида тўқнаш келади
Чемпионлар лигаси ва Европа чемпионлари кубоги тарихида илк бор финалда икки испан мураббийи тўқнаш келади. Бу ҳақда машҳур журналист Педро Мартин ўзининг X саҳифасида хабар берди.
Ҳал қилувчи учрашувда соврин учун Луис Энрике бошчилигидаги “Пари Сен-Жермен” Микел Артета бошқарувидаги “Арсенал” билан тўқнаш келади.
Бунгача турнир (Чемпионлар лигаси ва Европа чемпионлари кубоги) тарихида финалларда бир мамлакатдан мураббийларнинг бир вақтда тўқнаш келиши атиги тўрт марта содир бўлган эди: 1979 — “Ноттингем Форест” (Брайан Клаф) ва “Малмё” (Боб Ҳафтон); 2003 — “Ювентус” (Марчелло Липпи) ва “Милан” (Карло Анчелотти); 2013 — “Боруссия” (Юрген Клопп) ва “Бавария” (Юпп Хайнкес); 2020 — “ПСЖ” (Томас Тухел) ва “Бавария” (Ханс-Дитер Флик).
Жорий Чемпионлар лигасининг финал ўйини 30-май куни Венгрия пойтахти Будапештда бўлиб ўтади.
