Свенссон «Манчестер Юнайтед» қизиқиш доирасида

Дортмунднинг «Боруссия» клубида Бундеслигада ҳаракат қилаётган қанот ҳимоячиси Даниэль Свенссон фаолиятини Англияда давом эттириши мумкин.

Журналист Экрем Конур маълумотларига кўра, швециялик латералнинг номи «Манчестер Юнайтед»нинг трансфер шорт-листига киритилган. «Қизил иблислар» чап қанот ҳимояси позициясини кучайтиришни режалаштирмоқда.

Даниэль Свенссоннинг бозор қиймати 22 миллион еврога баҳоланмоқда. Унинг «Боруссия» билан амалдаги шартномаси 2029 йил июнь ойининг охирига қадар тузилган.

Швециялик футболчи жорий мавсумда Германия чемпионатида 4 та учрашувда майдонга тушиб, 1 та сариқ карточка олган.

Розикжон Султонмуродов

Журналист

0 0 0 0 0 0