“Сурхон” Термезда студентлар жамоаси “Лочин”га мағлуб бўлди
Февзи Давлетов бошчилигидаги “Сурхон” жамоаси бу мавсумда муваффақиятдан муваффақиятсизликка тез ўтиб турибди — у Суперлигада Ўзбекистоннинг собиқ чемпиони “Пахтакор”ни мағлуб этган бўлса, Ўзбекистон Кубогида Каршининг Про-лига клуби, студентлар жамоаси “Лочин”га ютқазди.
Жаҳонгирбек Абдусаломов томонидан киритилган эрта гол “Сурхон”ни сенсациядан сақлаб қолишга умид берди. Аммо “Лочин”нинг футболчилари кутилмаганча жавоб қайтаришди.
32-дақиқада Зафар Полвонов рақиб дарвозабонининг хато пасидан фойдаланиб, ҳисобни тенглаштирди. Орадан кўп ўтмай, у иккинчи гол муаллифига айланди. “Сурхон” футболчилари натижани ўзгартишга уринган бўлсалар-да, иккинчи бўлимнинг олтинчи қўшимча дақиқасида яна бир гол ўтказиб юборишди.
Шу тариқа, Қарши давлат университети шарафини ҳимоя қилувчи “Лочин” жамоаси “Сурхон”ни Кубокдан чиқариб юборди ва гуруҳ босқичини иккинчи ўринда якунлаб, кейинги босқичга йўл олди.
“Сурхон” – “Лочин” – 1:3
Голлар: Абдусаломов, 10 – Полвонов, 32, 36, Турсунпулатов, 90+6
