Суперлига. Превью. “Сурхон” – “Машъал”
Суперлиганинг 22-турида Муборакнинг “Машъал” жамоаси Термизнинг “Сурхон” жамоасига қарши майдонга тушади.
Учрашув расмийлари
Термизда бўлиб ўтадиган “Сурхон” - " Машъал " учрашувини Никита Мустафин бошқариб боради. Унга қанотларда Руслан Самандаров ва Амал Султоновлар ёрдам беришади. Захира ҳаками Севдияр Хамрақулов. Ҳакамлар Бахтиёр Тагаев назорат қилади. Учрашув комиссари Шерзод Ражабов.
Ўзаро ўйинлар
“Машъал” ва “Сурхон” шу кунгача чемпионат баҳсларида 15 марта тўқнаш келган. Уларнинг 6 тасида " Машъал ", 4 тасида " Сурхон " ютуққа эришган. 5 ўйин дуранг билан якунланган. Муборакликлар рақиб дарвозасини 18 бор ишғол қилган бўлсалар, термизликлар эса 17 гол урган. Ўзаро ўйинларда “Машъал” 23, “Сурхон” эса 17 очкони ўз ҳисобларига ёзиб қўйишган.
“Машъал”нинг ўзаро ўйинларда қозонган энг йирик ғалабаси – 2:0 га тенг. “Сурхон”да бу кўрсаткич 4:2 бўлиб турибди.
