Суперлига. «Навбаҳор» - «Сурхон». Превью
Ўзбекистон Суперлигасининг 21-туридан ўрин олган баҳсда "Навбаҳор" ўз майдонида Термизнинг "Сурхон" жамоасини қабул қилади.
Мазкур клублар шу кунгача миллий чемпионатларимиз тарихида ўзаро 37-марта рўбарў келишган. Ушбу ўйинларнинг 25 тасида "лочинлар"нинг қўли баланд келган (битта ўйинда "Навбаҳор"га техник ғалаба ёзилган), 7 тасида термизликлар ғалаба қозонишган бўлса, 5 та баҳсда эса жамоалар муроса кўчасини танлашган. Тўплар нисбати – 87-27, "Навбаҳор" фойдасига.
Ўзаро учрашувларда "Навбаҳор" 80 очко, "Сурхон" эса 26 очкони қўлга киритган.
Ушбу жамоалар ўртасидаги ўйинлардаги энг йирик - 9:0 ҳисоби 1997-йили Наманганда қайд этилган. Таъкидлаш жоизки, наманганликлар ўтказилган 37 та баҳснинг 12 тасида термизликлар устидан йирик ҳисобда зафар қучишган.
"Навбаҳор" ҳамда "Сурхон" клублари бунгача Наманганда 18-марта куч синашишган (2019-йилги баҳс маълум сабабларга кўра, Фарғонада ўтказилган ва ушбу ўйин ҳам "Навбаҳор" номинал мезбон бўлганлиги боис, инобатга олинди).
1992-йили термизликлар Наманганга ташриф буюришмагани боис, "Навбаҳор"га 3:0 ҳисобидаги техник ғалаба ёзилган бўлса, қолган 15 та баҳсда "лочинлар" ғалаба қозонишган (Фарғонадаги ўйинда ҳам), фақат битта беллашувда, ўтган йилги мавсумда 2:2 ҳисобидаги жанговар дуранг қайд этилган.
Факт: "Сурхон" ҳали Наманганда ғалаба қозона олмаган.
"Лочинлар" ўз майдонида ўтказилган ўзаро учрашувларда "учар тулпорлар" дарвозасини 57-марта ишғол этишган бўлса, термизликлар Наманганда "Навбаҳор" дарвозасига бор-йўғи 6 та тўп киритишган.
Барча учрашувлар натижалари:
28.03.1992 "Сурхон" – "Навбаҳор" – 1:1
29.10.1992 "Навбаҳор" – "Сурхон" – +:-
13.04.1994 АСК – "Навбаҳор" – 2:3
13.11.1994 "Навбаҳор" - АСК – 2:1
11.06.1995 "Навбаҳор" - АСК – 4:0
19.08.1995 АСК – "Навбаҳор" – 2:5
26.06.1996 "Навбаҳор" - АСК – 4:1
29.08.1996 АСК – "Навбаҳор" – 1:4
13.04.1997 "Навбаҳор" – "Сурхон" – 9:0
04.10.1997 "Сурхон" – "Навбаҳор" – 1:0
18.04.1998 "Навбаҳор" – "Сурхон" – 5:0
08.10.1998 "Сурхон" – "Навбаҳор" – 3:1
06.06.1999 "Навбаҳор" – "Сурхон" – 1:0
14.08.1999 "Сурхон" – "Навбаҳор" – 1:0
19.04.2000 "Сурхон" – "Навбаҳор" – 3:3
30.09.2000 " Навбаҳор" – "Сурхон" – 5:0
23.06.2001 "Сурхон" – "Навбаҳор" – 0:3
31.07.2001 "Навбаҳор" – "Сурхон" – 7:1
28.04.2002 "Сурхон" – "Навбаҳор" – 1:0
19.10.2002 "Навбаҳор" – "Сурхон" – 1:0
14.05.2003 "Сурхон" – "Навбаҳор" – 1:0
13.09.2003 "Навбаҳор" – "Сурхон" – 2:1
15.03.2004 "Навбаҳор" – "Сурхон" – 6:0
05.11.2004 "Сурхон" – "Навбаҳор" – 0:4
21.04.2019 "Навбаҳор" – "Сурхон" – 3:0
19.10.2019 "Сурхон" – "Навбаҳор" – 0:0.
19.08.2020 "Сурхон" – "Навбаҳор" – 1:1
20.11.2020 "Навбаҳор" – "Сурхон" – 1:0
12.05.2021 "Навбаҳор" – "Сурхон" – 2:0
03.10.2021 "Сурхон" – "Навбаҳор" – 1:0.
10.03.2022 "Сурхон" – "Навбаҳор" – 1:2
11.08.2022 "Навбаҳор" – "Сурхон" – 2:0
14.05.2023 "Навбаҳор" – "Сурхон" – 1:0
27.10.2023 "Сурхон" – "Навбаҳор" – 1:2
31.03.2024 "Навбаҳор" – "Сурхон" – 2:2
26.08.2024 "Сурхон" – "Навбаҳор" – 0:1
21.04.2025 "Сурхон" – "Навбаҳор" – 1:0
Эслатиб ўтамиз, "Навбаҳор" – "Сурхон" жамоалари ўртасидаги учрашув 12 сентябр куни Намангандаги "Марказий" стадионида соат 19:30 да старт олади.
