Суперлига. «Насаф» 90+3-дақиқада пенальтидан гол уриб, «Қизилқум»ни мағлуб этди
Рўзиқул Бердиев шогирдлари сафарда муҳим ғалабага эришди.
Фото: Насаф ПФК
Суперлига 22-турининг сўнгги баҳсида “Қизилқум” Навоийда “Насаф”га қарши майдонга тушди.
Беллашувда ҳар иккала жамоада ҳам қатор вазиятлар юзага келганига қарамай, ҳисоб 90+3-дақиқада очилди.
Драган Черан пенальтини аниқ амалга ошириб, “аждарлар”га ғалаба келтирди.
Шу тариқа, “Насаф” очколари сонини 49 тага етказиб, пешқадамлигини мустаҳкамлади. “Қизилқум” эса 25 очко билан 8-поғонада қолди.
Суперлига. 22-тур
“Қизилқум” 0:1 “Насаф”
Гол: Драган Черан 90+3 пен.
