Суперлига. «Қизилқум» ва «Бунёдкор» ўйинида кучлар тенг келди
Фото: Қизилқум ПФК
Суперлига 20-туридан ўрин олган "Қизилқум" - "Бунёдкор" учрашуви якунланди. Ўйинда 1:1 ҳисоби қайд этилди.
Дастлаб 14-дақиқада Имеда Ашортиа меҳмонларни ҳисобда олдинга олиб чиқди. 58-дақиқада "қалдирғочлар" сафида Музаффар Олимжонов рақибининг юзига оёғи билан зарба бериб юборгани учун майдондан четлатилди. 76-дақиқада навоийликлар етакчиси Ислом Кенжабоев ҳисобни тенглаштирди - 1:1.
Бу натижадан сўнг "Бунёдкор" 35 очко билан 5-ўринда. "Қизилқум" 26 очко билан 8-поғонага жойлашди.
"Қизилқум" – "Бунёдкор" 1:1
Голлар: 0:1 – 14, Имеда Ашортиа (Темурхўжа Абдухолиқов), 1:1 – 76, Ислом Кенжабоев (Файзулло Жуманқўзиев)
Розикжон Султонмуродов
Журналист