Superliga. «Qizilqum» va «Bunyodkor» o‘yinida kuchlar teng keldi
Фото: Қизилқум ПФК
Superliga 20-turidan o‘rin olgan "Qizilqum" – "Bunyodkor" uchrashuvi yakunlandi. O‘yinda 1:1 hisobi qayd etildi.
Dastlab 14-daqiqada Imeda Ashortia mehmonlarni hisobda oldinga olib chiqdi. 58-daqiqada "qaldirg‘ochlar" safida Muzaffar Olimjonov raqibining yuziga oyog‘i bilan zarba berib yuborganligi uchun maydondan chetlatildi. 76-daqiqada navoiyliklar yetakchisi Islom Kenjaboyev hisobni tenglashtirdi – 1:1.
Bu natijadan so‘ng "Bunyodkor" 35 ochko bilan 5-o‘rinda. "Qizilqum" esa 26 ochko bilan 8-pog‘onaga joylashdi.
"Qizilqum" – "Bunyodkor" 1:1
Gollar: 0:1 – 14, Imeda Ashortia (Temurxo‘ja Abduxoliqov), 1:1 – 76, Islom Kenjaboyev (Fayzullo Jumanquziev)
Roziqjon Sultonmurodov
Jurnalist