Суперлига. «Динамо» меҳмонда ОКМКдан устун келди
Фирдавс Абдураҳмонов ягона гол муаллифи.
Фото: ОКМК
Ўзбекистон Суперлигасининг 18-тури доирасида навбатдаги учрашув бўлиб ўтди. Унда ОКМК жамоаси ўз майдонида “Динамо”ни қабул қилди.
Қизиқарли ва курашларга бой кечган ўйин меҳмонларнинг кичик ҳисобдаги ғалабаси билан якунланди. Учрашувдаги ягона ва ҳал қилувчи гол 50-дақиқада самарқандликлар ҳужумчиси Фирдавс Абдураҳмонов томонидан киритилди — 0:1.
Ушбу ғалабадан сўнг очколари сонини 25 тага етказиб олган “Динамо” турнир жадвалида 6-ўринга кўтарилиб олди. “ОКМК” эса 29 очко билан 5-поғонани банд этиб турибди.“ОКМК” 19-тур доирасида меҳмонда “Сурхон” билан баҳс олиб боради. “Динамо” эса Тошкентнинг “Пахтакор” жамоасига қарши ўйнайди.
Ўзбекистон Суперлигаси, 18-тур
ОКМК — “Динамо” 0:1
Гол: 0:1 — Абдураҳмонов (50).
Розикжон Султонмуродов
Журналист