Суперкубок. Жамоалар қандай либосларда ўйнаши маълум
Футбол
Иброҳим Жалолов
Редактор
PHOTO: Telegram
Хабарингиз бор, яна икки кундан кейин, яъни 27 май куни футбол бўйича Ўзбекистон Суперкубоги учрашуви бўлиб ўтади. “Бунёдкор” стадиони мезбонлик қиладиган ушбу қарама-қаршиликда Қаршининг “Насаф” ҳамда Андижоннинг “Андижон” жамоалари ўзаро куч синашадилар.
“Насаф” клуби футболчилари бўлажак учрашувда расмий мезбон мақомида қизил рангли либосда майдонга тушади. Андижонликлар эса оқ рангли экипировкада ҳаракат қилади.
Максим Шацких Миржалол Қосимовдан сўнг икки жамоа билан Суперкубокда иштирок этган иккинчи мураббийга айланмоқда.
Ўйин 27 май чоршанба куни соат Тошкент вақти билан 19:30 да бошланади.
