Superkubok. Jamoalarning qanday liboslarda o'ynashlari ma'lum

Xabaringiz bor, yana ikki kundan keyin, ya'ni 27 may kuni futbol bo'yicha O'zbekiston Superkubogi uchrashuvi bo'lib o'tadi. “Bunyodkor” stadioni mezbonlik qiladigan ushbu qarama-qarshilikda Qarshining “Nasaf” hamda Andijonning “Andijon” jamoalari o'zaro kuch sinashadilar.

“Nasaf” klubi futbolchilari bo‘lajak uchrashuvda rasmiy mezbon maqomida qizil rangli libosda maydonga tushadi. Andijonliklar esa oq rangli ekipirovkada harakat qiladi.

Maksim Shatskix Mirjalol Qosimovdan so‘ng ikki jamoa bilan Superkubokda ishtirok etgan ikkinchi murabbiyga aylanmoqda.

O'yin 27 may chorshanba kuni soat Toshkent vaqi bilan 19:30 da boshlanadi.

Ibrohim Jalolov

Redaktor