Сульшер «МЮ»ни бепул бошқаришга тайёр — манба
Норвегиялик мураббий Оле-Гуннар Сульшер «Манчестер Юнайтед»ни яна вақтинча бош мураббий сифатида бошқаришга катта қизиқиш билдираётгани хабар қилинмоқда. Мутахассис ҳатто жорий мавсум охиригача «МЮ»да вақтинча мураббий лавозимини бепул бажаришга тайёр, деб ёзади Indykaila News нашри.
Сульшер аввал 2018–2021 йилларда «Манчестер Юнайтед»ни бошқарган.
Олдинроқ хабар берилганидек, «қизил иблислар» мураббийлик масаласида шошилмаяпти ва вакант лавозимга номзодларни баҳолашда давом этмоқда. Шу ҳафта бош мураббий вазифасини вақтинча Даррен Флетчер бажаради.
5 январь куни «Манчестер Юнайтед» клубининг бош мураббийи Рубен Аморим ишдан бўшатилгани эълон қилинди. Португалиялик мутахассис 2024 йил 11 ноябрдан 2026 йил 5 январгача манкунияликларни бошқарган.
