Субименди «Реал»га ўтиши мумкин
Мартин 2025 йилдан бери «Арсенал» шарафини ҳимоя қилиб келмоқда.
ФОТО: Getty images
«Арсенал» ҳужумчиси Мартин Субименди фаолятини «Реал»да давом эттириш мумкин. Бу ҳақда El Nacional нашри хабар берди.
Манбаларга кўра, футболчи мадридликлар сафига ўтишга оғзаки розилик берган. Шу билан бирга, «Реал» ҳозирча ўз ярим ҳимоячиси Эдуардо Камавинга бўйича аниқ таклифларни кутмоқда.
Бироқ Субимендининг трансфери фақат француз футболчиси жамоани тарк этган тақдирдагина амалга ошиши мумкин. Камавингага эса «Манчестер Юнайтед» жиддий қизиқиш билдирмоқда.
Маълумот тариқасида айтиш мумкинки, Мартин 2025 йилдан бери «Арсенал» шарафини ҳимоя қилиб келмоқда. У бу жамоага «Реал Сосьедад» клубидан ўтган.
Розикжон Султонмуродов
Журналист