Суарес: «Месси билан биргаликда фаолиятимни якунламоқчиман»
Фото: Getty Images
"Интер Майами"нинг 38 ёшли ҳужумчиси Луис Суарес футболчилик фаолиятини Лионель Месси билан бир вақтда тугатиш истаги борлигини маълум қилди.
"Фаолиятимни Месси билан якунламоқчиман. Лео билан кўп йиллардан буён бу ҳақда гаплашиб келмоқдамиз. Бизда шундай имконият бўлиши мумкин", - дея Суареснинг сўзларидан келтиради The Touchline.
Эслатиб ўтамиз, Месси 2023 йилнинг ёзидан буён "Интер Майами"да ўйнаб келмоқда. Футболчининг клуб билан амалдаги шартномаси 2025 йилнинг охиригача амал қилади. Суарес 2024 йилнинг январидан буён Флорида клубида ўйнамоқда. Форварднинг шартномаси ҳам 2025 йилнинг охиригача амал қилади.
Розикжон Султонмуродов
Журналист