Стивен Жеррард Саудияда қолиш учун «Рейнджерс» таклифини рад этди
ФОТО: Getty Images
Англиялик мутахассис Стивен Жеррард фаолиятини Саудия Арабистонида давом эттириши мумкин. Бу ҳақда Daily Record нашри хабар бермоқда.
Манбага кўра, мураббий айнан шу сабаб «Рейнджерс»га қайтмоқчи эмас. Унинг оиласи ҳам Шотландияга қайтишни истамаяпти.
«Рейнджерс» ушбу воқеалардан сўнг мураббийлик курсисига бошқа вариантларни ҳам ўрганиб чиқмоқда. Хусусан, Давиде Анчелотти ва Рассел Мартин шулар жумласидан.
Эслатиб ўтамиз, Жеррард 2018-йилдан 2021-йилгача «Рейнджерс»ни бошқарган ва 2020/2021-йилги мавсумда жамоани чемпионга айлантирганди.
Насрулло Каримов
Журналист