Стивен Жеррард: Менимча, у катта таваккал қилди
"Мен бундай қилмаган бўлардим. Менимча, у катта таваккал қилди. У ажойиб футболчи, жуда иқтидорли, мен кўрган энг яхши пас берувчилардан бири. У шубҳасиз, Бекхэм ва Скоулз билан бир вазн тоифасида.
Аммо у энг яхши йилларида, янги шартнома таклиф қилинаётган бир пайтда "Ливерпуль"ни тарк этиб, таваккал қилди. У билан ҳаммаси яхши бўлишига умид қиламан, чунки мен бу йигитни яхши кўраман.
Ва унинг бу қарорни қабул қилганини тушунаман. У ерда унинг энг яқин дўсти [Жуд Беллингем] ўйнайди. Эҳтимол, у ўзига янги чақириқни хоҳлагандир. У "Ливерпуль"да ҳамма совринни ютди. Мен бу қисмини жуда яхши тушунаман.
Лекин бунга "Ливерпуль" мухлиси нуқтаи назаридан қарасангиз – сен нима қиляпсан? Сен Европанинг энг яхши жамоаларидан бири эдинг, мен ҳалигача орзу қиладиган совринларни ютгансан. Сен еврокубокларни ютгансан. Сен асосий ўйинчилардан бирисан. Мухлислар сени жуда яхши кўради. Нима қиляпсан ўзи? Лекин мен буни мухлис сифатида айтаяпман," – деди мерсисайдликларнинг собиқ сардори Рио Фердинандга берган интервьюсида.
