Стив Манданда фаолиятини якунлади
У 40 ёшида бутсаларини михга илишга қарор қилди.
ФОТО: Getty images
Франциялик дарвозабон Стив Манданда футболчилик фаолиятини якунлади.
40 ёшли дарвозабон L’Équipe нашрига берган интервьюсида буни тасдиқлади.
"Менга бу қарорни қабул қилиш учун вақт керак эди, чунки бу осон эмас, лекин ҳа, мен фаолиятимни тугатяпман. Бу ҳақда узоқ вақт ўйладим, чунки таклифлар кўп эди, лекин барчасини рад этдим", - деди Манданда.
Манданданинг сўнгги клуби "Ренн" бўлиб, унинг шартномаси ўтган мавсум охирида якунига етган.
У "Марсел"нинг собиқ сардори ва клубнинг энг кўп ўйин ўтказиш бўйича рекордчиси (613).
Розикжон Султонмуродов
Журналист