Стипе Перича «Нефтчи» футболчиси сифатида таништирилди
Янги мавсумга жиддий ҳозирлик кўраётган ва таркибни кучайтириш борасида кенг кўламли ишларини амалга ошираётган «Нефтчи» жамоаси бугун хорватиялик маҳоратли ҳужумчи Стипе Перича билан шартнома имзолади.
"Стипе Перича 1995 йилнинг 7 июлида Хорватиянинг Задар шаҳрида туғилган. Футболчилик фаолиятини 2012 йили Хорватияда бошлаган Стипе Перича 2013 йили Англиянинг “Chelsea”, кейинчалик эса Италиянинг “Udinese” ва “Frosinone”, Туркиянинг “Kasimpasha”, Англиянинг “Watford”, Исроилнинг “Maccabi”, Бельгиянинг “Standard” ва Румыниянинг “Dinamo” каби таниқли жамоаларида тўп сурди. 2013/2016 йиллар давомида футболчи Хорватиянинг U-19, U-20 ва U-21 терма жамоалари шарафини ҳимоя қилди. Бундан ташқари, Стипе Перича Европанинг нуфузли мусобақаларида ҳам иштирок этган. Улар орасида УЕФА Конференциялар лигаси, Европа плей-офф лигаси, Тото кубоги, Англия футбол лига кубоги, Нидерландия кубоги, Италия кубоги, Бельгия кубоги мусобақалари бор.
Жамоамиз ва фарғоналик футбол мухлислари номидан Стипе Перичага “Нефтчи” шарафини муносиб ҳимоя қилишига катта ишонч билдирамиз ва фаолиятида улкан зафарлар тилаймиз", – деб ёзилади клуб расмий саҳифасида.
