Стерлинг «Фейеноорд»ни тарк этади

Англиялик форвард Раҳим Стерлинг ва Нидерландиянинг «Фейеноорд» клуби ўртасидаги ҳамкорлик якунига етмоқда. Бу ҳақда derbyderbyderby.it нашри хабар бермоқда.

Манбага кўра, томонлар амалдаги келишувни узайтиришдан манфаатдор эмас.

Аввалроқ Стерлинг Роттердам клуби билан олти ойлик қисқа муддатли шартнома имзолаган эди. Бироқ тез-тез такрорланаётган жароҳатлар туфайли футболчи деярли майдонга тушмаяпти.

«Мен Стерлингнинг қарорларини ҳурмат қиламан, бироқ биринчи навбатда жамоа олдига қўйилган турнир вазифаларини ҳал қилиш ҳақида ўйлашим керак. Бу ҳамма нарсадан муҳимроқ», — деди мутахассис.

Маълумот учун, Нидерландия Эредивизияси якунига тўрт тур қолганда «Фейеноорд» турнир жадвалида иккинчи ўринни эгаллаб турибди.

Розикжон Султонмуродов

Журналист