Стерлинг «Челси»ни тарк этишга яқин
Раҳимнинг "Челси" билан шартномаси 2027 йилнинг 30 июнига қадар мўлжалланган.
ФОТО: Getty images
“Челси” вингери Раҳим Стерлинг январдаёқ жамоани тарк этиши мумкин. Бу ҳақда MatchDay Central нашри хабар берди.
Манбага кўра, 31 ёшли футболчига "Вест Хэм" ва "Кристал Пэлас" клублари қизиқиш билдирмоқда.
Стерлингнинг "Челси" билан шартномаси 2027 йилнинг 30 июнига қадар мўлжалланган. Унинг иш ҳақи ҳафтасига 350 000 фунт стерлингни ташкил қилади.
Вингер 2022 йилда "Манчестер Сити"дан 56 миллион евро эвазига "Челси"га ўтганди. Жорий мавсумда 31 ёшли ҳужумчи Лондон клуби сафида бирорта ҳам ўйинда майдонга тушмади. Футболчи "кўклар"нинг асосий жамоаси билан машғулот ўтказмаяпти.
Розикжон Султонмуродов
Журналист