Спорт вазирлиги ишчи гуруҳи иштирокида Сирдарё вилоятида семинар ўтказилди
Вилоят Ёшлар маркази мажлислар залида оммавий спорт билан шуғулланувчилар қамровини кенгайтириш ҳамда спорт натижадорлигини оширишга қаратилган семинар ташкил этилди.
Тадбирда Спорт вазирлиги Оммавий спортни ривожлантириш бўлими бўшлиғи Шерзод Олимов, Ахборот коммуникация технологияларини жорий этиш ва сунъий интеллектни ривожлантириш бўлими бошлиғи Навруз Шоймардонов, вилоят Спорт бошқармаси бошлиғи ўринбосари Дилшод Данияров, вилоят Ёшлар ишлари бошқармаси бошлиғи Бобур Акрамов ҳамда ҳудуддаги спорт таълим муассасалари раҳбарлари, ёшлар етакчилари ҳамда соҳа мутахассислари қатнашди.
Семинар давомида “Беш ташаббус олимпиадаси” доирасида селекционер-тренерлар фаолиятини самарали йўлга қўйиш, оммавий спорт тадбирларини ташкил этиш тартиби, “ERP Sport” ягона электрон бошқарув тизими орқали ёшларни рўйхатга олиш жараёнларини такомиллаштириш масалалари атрофлича муҳокама қилинди.
Шунингдек, ушбу йўналишда масъулларга зарур топшириқ ва тавсиялар берилди.
